Պուտինը և Լուկաշենկոն քննարկել են երկկողմ հարաբերություններում առկա խնդիրները

Բելառուսի և Ռուսաստանի հարաբերություններում խնդիրներ կան, սակայն դրանք չեն կուտակվում, նորերը նույնպես չեն առաջանում։ Այդ մասին հայտարարել է Բելառուսի նախագահ Ալեքսանդր Լուկաշենկոն Ռուսաստանի նախագահ Վլադիմիր Պուտինի հետ Սոչիում կայացած հանդիպման ժամանակ.  հայտնում է БЕЛТА-ն։

«Այդ խնդիրներն առանց մեզ ոչ ոք չի լուծի: Եվ պատահում է նաև, որ մենք ոչ միայն մեր խնդիրներն ենք լուծում, այնպես որ` խոսելու շատ բան կա»,- ասել է նա։

Պուտինն, իր հերթին, նշել  է, որ ուրախ է հանդիպել իր բելառուս գործընկերոջը և տետ ա տետ քննարկել երկկողմ հարաբերությունների զարգացմանը, տարբեր ինտեգրացիոն ձևաչափերում փոխգործակցությանն առնչվող և միջազգային օրակարգին առնչվող խնդրահարույց հարցեր։