Վրաստանի վարչապետ պետք է դառնա Իվանիշվիլին. գործող նախագահ

Վրաստանի գործող նախագահ Գեորգի Մարգվելաշվիլին կարծում է, որ իշխող «Վրացական երազանք» կուսակցության ղեկավար, միլիարդատեր Բիձինա Իվանիշվիլին պետք է զբաղեցնի երկրի վարչապետի պաշտոնը. հայտնում է ekhokavkaza.com-ը:

Ըստ նրա`  Իվանիշվիլիի ոչ պաշտոնապես ղեկավարության պայմաններում Վրաստանը երկար ժամանակ է` չի կարողանում պատասխանել պետական կառուցվածքի բնույթի մասին գործընկերների հարցերին: Մարգվելաշվիլիի խոսքով` Իվանիշվիլին է որոշումներ կայացնում երկրի վարչապետերի հրաժարականի և նշանակման մասին, օրինակ` դա տեղի ունեցավ Գեորգի Կվիրիկաշվիլիի դեպքում, որը լքեց իր պաշտոնը Իվանիշվիլիի հետ տարաձայնություններ ունենալու պատճառով: