Փաշինյանը պատասխանել է՝ ինչու Սերժ Սարգսյանի նկատմամբ գործ չի հարուցվում

ՀԱՊԿ գլխավոր քարտուղարի հարցն  ամենակարևորը չէ. այսօր լրագրողների հետ զրույցում հերթական անգամ շեշտեց ՀՀ վարչապետի պաշտոնակատար Նիկոլ Փաշինյանը:

«Ենթադրենք`  այս պահին  Խաչատուրովն է, բայց 2020-ին  էլ  ինքը չէ: Դա՞ է  պրոբլեմը, դա չէ, շատ ավելի լուրջ պրոբլեմներ կան, որոնք շատ լուրջ ձևով  քննարկվում են,  և ԵԱՏՄ տնտեսական խորհրդի վերջին նիստում էլ շատ լուրջ ձևով քննարկվեցին»,-ասաց նա՝ պնդելով, որ  ՀԱՊԿ-ի նիստ տեղի չի ունեցել, և դրանով ամեն ինչ ասված է:

Լրագրողները, պատեհ առիթն օգտագործելով, հետաքրքրվեցին՝ ինչո՞ւ ՀՀ երրորդ նախագահ Սերժ Սարգսյանի նկատմամբ գործ չի հարուցվում, երբ ավելի վաղ հայտարարել էր, թե գործարարները ճամպրուկով փող են տարել նրան: Փաշինյանն արձագանքեց. «Դա ևս մեկ ապացույց է, որ քննչական մարմինները գործում են ոչ թե ըստ իմ հայտարարությունների, այլ ըստ իրենց ձեռքի տակ եղած փաստական տվյալների»: