Պուտինը չի պատասխանում Պորոշենկոյի հեռախոսազանգերին

Սենատոր Ալեքսեյ Պուշկովը մեկնաբանել է Ուկրաինայի նախագահ Պյոտր Պորոշենկոյի բողոքը, թե ինքը չի կարողանում զրուցել ՌԴ նախագահ Վլադիմիր Պուտինի հետ. հայտնում է РИА Новости-ն:

«Պորոշենկոն բողոքում է, որ չի կարողանում կապ հաստատել Պուտինի հետ: Իսկ ինչի՞ համար: Ցանկանում է քննարկել սեփական սադրա՞նքը: Առանց դրա էլ ամեն բան պարզ է: Ցանկանում է  դարձյալ ՌԴ-ին մեղադրել ագրեսիայի նախապատրաստման մե՞ջ: Նա դրանով  ամեն օր է զբաղվում: Բողոքե՞լ ճակատագրից: Սխալ հասցեով է դիմում: Խոսելու բան չկա»,- գրել է Պուշկովն իր թվիթերյան էջում:

Ռուս-ուկրաինական հարաբերությունները սրվել են այն բանից հետ, երբ ուկրաինական նավերը հատել են ՌԴ սահմանը և ձերբակալվել: