Ռուսաստանը, Թուրքիան և Իրանը դատապարտել են Սիրիայում քիմիական զենքի կիրառումը

Ռուսաստանը, Թուրքիան և Իրանը դատապարտել են Սիրիայում քիմիական զենքի կիրառումը և պահանջել Քիմիական զենքի արգելման կազմակերպությունից` պրոֆեսիոնալ հետաքննություն անցկացնել: Այդ մասին ասվում է երկրների հայարարությունում. հայտնում է РИА Новости-ն:

ՌԴ ՊՆ-ն ավելի վաղ հայտնել էր, որ գրոհայինները թունավոր նյութերով արկերով գնդակոծել են Հալեպը, 100 մարդ տուժել է: ՌԴ ՊՆ-ում ընդգծել են, որ ավելի վաղ ռուսական կողմը ուշադրություն է դարձրել այն հանգամանքին, որ «Սպիտակ սաղավարտներ» կազմակերպությունը փորձում է Իդլիբի շուրջ ապառազմականացված գոտում սադրանքի դիմել, որպեսզի այնուհետև մեղադրի կառավարական զորքերին բնակչության դեմ քիմիական զենք կիրառելու մեջ: