ԵԱՀԿ Մշտական խորհուրդը հատուկ նիստ կհրավիրի

ԵԱՀԿ Մշտական խորհուրդն այսօր հատուկ նիստ կհրավիրի` Ուկրաինայի պահանջով. հայտնում է Газета.ру-ն:

Նշենք, որ արտակարգ  նիստ է հրավիրելու նաև ՄԱԿ-ի Անվտանգության խորհուրդը:

Երեկ ուկրաինական մի քանի նավեր հատել են ՌԴ-ի սահմանը: Դրանք մտել են ռուսական` ժամանակավորապես փակ ջրատարածք և չեն ենթարկվել ռուսական կողմի նախազգուշացումներին: Ռուսական կողմը կրակ է բացել, վիրավորվել է 3 ուկրաինացի զինվորական, նրանց բժշկական օգնություն են ցույց տվել, կյանքին սպառնացող վտանգ չկա: Նավերը ձերբակալվել են:

ՌԴ-ն քրեական գործ է հարուցել և ՄԱԿ-ի Անվտանգության խորհրդի շտապ նիստ հրավիրել Ազովի ծովում ստեղծված իրավիճակի հետ կապված:

Ուկրաինան կատարվածից հետո ռազմական դրություն հայտարարելու մասին որոշում է կայացրել: