ՌԴ-ն չունի միջուկային համաձայնագրին հակասող հրթիռներ. ՌԴ ԱԳՆ

Ռուսաստանի հրթիռային զինանոցում չկան հրթիռներ, որոնք հակասում են Միջին և փոքր հեռահարության հրթիռների ոչնչացման մասին ռուս-ամերիկյան համաձայնագրին: Այդ մասին հայտարարել է ՌԴ ԱԳՆ ղեկավարի տեղակալ Սերգեյ Ռյաբկովը. հայտնում է РИА Новости-ն:

Ռյաբկովը ճեպազրույցի ժամանակ  նշել է, որ երկար ժամանակ ԱՄՆ-ը  ՌԴ-ին մեղադրում է համաձայնագիրը խախտելու և դրան հակասող հրթիռներ կիրառելու մեջ, սակայն ապացույցներ չի ներկայացրել:

Նա նաև ասել է, որ ԱՄՆ-ը հաստատել է, որ դուրս է գալու համաձայնագրից, հարցը միայն ժամկետների մեջ է:

Հիշեցնենք, որ ԱՄՆ նախագահ Դոնալդ Թրամփը սպառնացել է դուրս գալ վերոհիշյալ համաձայնագրից: