Մարուքյանը ներկայացրեց «Լուսավոր Հայաստան»-ի կարգախոսը

«Լուսավոր Հայաստան» կուսակցությունը նախընտրական քարոզարշավը կանցկացնի «Լուսավորի'ր Հայաստանը» կարգախոսի ներքո: Այս մասին հրավիրված ասուլիսում տեղեկացրեց կուսակցության նախագահ Էդմոն Մարուքյանը:

ԼՀ նախընտրական շտաբի պետ Դավիթ Խաժակյանն էլ տեղեկացրեց, որ քարոզարշավը սկսելու են Սյունիքի մարզից, ընդ որում` ամբողջ քարոզարշավն իրականացվելու է 3 մակարդակով` համապետական, որը գլխավորելու են Էդմոն Մարուքյանը և ցուցակի երկրորդ հորիզոնական զբաղեցնող Մանե Թանդիլյանը, բակային հանդիպումներ Երևանում, ռեյտինգային թեկնածուների քարոզչություն:

Հիշեցնենք, որ դեկտեմբերի 9-ին անցկացվելիք ԱԺ արտահերթ ընտրություններին մասնակցում է 11 կուսակցություն և դաշինք:

Մյուս ուժերի կարգախոսներն են`

ՀՀԿ` «Եթե մտահոգ ես, ընտրիր Հանրապետականին»

ՀՅԴ` «Հավատարիմ հողին և հային»

«Իմ քայլը» դաշինք` «Երջանիկ անհատ, հոգատար հանրություն և հզոր պետություն»

 «Քրիստոնեա-ժողովրդական վերածնունդ» կուսակցություն` «Այլընտրանք` այո, ընդդիմություն` ոչ»

 «Ազգային առաջընթաց» կուսակցություն` «Երկիրը կառուցելու ժամանակն է, ազգային առաջընթաց»

«Մենք» կուսակցությունների դաշինք` «Ես ու դու մենք ենք»

ՕԵԿ` «Օրինականություն, ապահովություն, արդարություն» 

«Սասնա ծռեր» համահայկական կուսակցություն` «Ժամանակն է»

ԲՀԿ` «Մեր խոսքը գործ է» և «Հավատա, վստահիր, պահանջիր»: