Սաուդյան Արաբիայի դատախազությունը մահապատիժ կպահանջի Խաշուկջիին սպանողների համար

Սաուդյան Արաբիայի գլխավոր դատախազությունը մահապատիժ կպահանջի սաուդցի ընդդիմադիր լրագրող Ջամալ Խաշուկջիի սպանության մեջ մեղադրվողների համար: Այդ մասին հայտարարել է գլխավոր դատախազության պաշտոնական ներկայացուցիչ Շալյան աշ Շալյանը. հայտնում է ТАСС-ը: Նա հայտնել է, որ մեղադրանք է առաջադրվել 11 անձի, ընդհանուր առմամբ ձերբակալվել է 21 մարդ:

Ըստ դատախազության ներկայացուցչի` Խաշուկջիին սպանելու հրաման տվել է խմբավորման ղեկավարը, որի նպատակն էր լրագրողին Սաուդյան Արաբիա վերադարձնել:

Խաշուկջին երկար տարիներ բնակվում էր ԱՄՆ-ում: Նրա մահը ամերիկյան ԶԼՄ-ները կապում էին Սաուդյան Արաբիայի թագաժառանգ արքայազն Մուհամեդ բեն Սալմանի հետ, որի ու լրագրողի միջև տարաձայնություններ կային: