ԱՄՆ Կոնգրեսի միջանկյալ ընտրությունները կարող են պատմության մեջ ամենաթանկը լինել. Fox News

Վկայակոչելով Center for Responsive Politics հետազոտական կազմակերպության գնահատականները`Fox  News հեռուստաընկերությունը  չի բացառել, որ 2018 թվականի միջանկյալ ընտրությունները կարող են պատմության մեջ ամենաթանկը լինել և արժենալ 5 միլիարդ դոլար:

Ըստ Fox News-ի` ընտրությունների արժեքը հաշվառելիս նկատի են առնվել թեկնածուների, քաղաքական կուսակցությունների, քաղաքական գործողությունների կոմիտեների և այլ կազմակերպությունների ծախսերը, որոնք մասնակցել են ընտրական գործընթացին:

Դեմոկրատները ներկայիս ընտրարշավի համար հանգանակել են առնվազն 1,3 միլիարդ դոլար, իսկ հանրապետականները՝ ավելի քան 1 միլիարդ դոլար: