Կյանքից հեռացել է լեգենդար ծանրորդ Յուրի Վարդանյանը

ԱՄՆ-ում 62 տարեկան հասակում մահացել է օլիմպիական խաղերի, աշխարհի 7-ակի ու Եվրոպայի 5-ակի չեմպիոն, ծանրորդ Յուրի Վարդանյա: Այդ մասին Yerkir.am-ը տեղեկացավ ՀՀ սպորտի և երիտասարդության հարցերի նախարարությունից։ 

Թեև չեմպիոնի հուղարկավորման մասին տեղեկությունները դեռևս ճշտված չեն, մեզ հայտնեցին, որ, հավանորեն, նրա մարմինը հարազատները կտեղափոխեն Հայաստան:

Յուրի Վարդանյանը 3 անգամ մեկ երեկոյի ընթացքում 5 ռեկորդ է սահմանել, այդ թվում` օլիմպիական խաղերում՝ երկամարտի ցուցանիշը հասցնելով ռեկորդային 405 կգ-ի:

2013-2014 թվականներին եղել է սպորտի և երիտասարդության հարցերի նախարար, ապա`` Վրաստանում Հայաստանի դեսպան:

Պարգևատրվել է մի շարք մեդալներով, այդ թվում` Աշխատանքային կարմիր աստղ, Սուրբ Մեսրոպ Մաշտոց և այլն: