Միջազգային օլիմպիական կոմիտեն որակազրկել է ծանրորդ Տիգրան Մարտիրոսյանին

2008 թվականի Պեկինի Օլիմպիական խաղերի բրոնզե մեդալակիր Տիգրան Մարտիրոսյանի դոպինգ փորձանմուշը վերստուգումից հետո տվել է դրական արդյունք: Այս մասին հայտնում է միջազգային օլիմպիական կոմիտեի պաշտոնական կայքը: Հայտնի է դարձել որ հայ մարզիկն օգտագործել է Stanozolol, Dehydrochlormethyltestosterone: 

ՄՕԿ-ը հայտնում է նաև, որ ՀԱՕԿ-ը պետք է հնարավորինս շուտ վերադարձնի բրոնզե մեդալը: Հայ մարզիկն արդեն իսկ որակազրկված է ՄՕԿ-ի կողմից: Որակազրկման ժամկետի մասին վերջնական որոշում պետք է կայացնի Ծանրամարտի միջազգային ֆեդերացիան:

 Հիշեցնենք, որ Մարտիրոսյանին մեկ ամիս առաջ արգելվել էր մասնակցել միջազգային մրցումների: