Մահացել է անվանի ծանրորդ Վարդան Միլիտոսյանը

64 տարեկան հասակում  կյանքից հեռացել է 1976 թվականի Մոնրեալի օլիմպիական խաղերի արծաթե մեդալակիր, աշխարհի առաջնությունների կրկնակի փոխչեմպիոն, Եվրոպայի կրկնակի չեմպիոն, ԽՍՀՄ սպորտի վաստակավոր վարպետ` ծանրորդ Վարդան Միլիտոսյանը: Այս մասին տեղեկացնում է Հայաստանի  ծանրամարտի ֆեդերացիայի պաշտոնական կայքը:

Անվանի մարզիկը ծնվել էր 1950 թվականի հունիսի 8-ի Գյումրիում: Ծանրամարտով սկսել էր զբաղվել 1964 թվականին՝ Հակոբ Ֆարաջյանի ղեկավարությամբ։ 1975-1979 թվականներին եղել է ԽՍՀՄ հավաքականի անդամ: Նա համարվում էր լեգենդար հայ ծանրորդ, նրա համաքաղաքացի Յուրի Վարդանյանի այդ թվականների հիմնական մրցակիցը: Վ. Միլիտոսյանը հատկապես ուժեղ էր հրում վարժությունում և այդ ձևում չորս անգամ սահմանել է աշխարհի ռեկորդներ: