Բրազիլիան նույնպես իր դեսպանատունը կտեղափոխի Երուսաղեմ

Բրազիլիայի նորընտիր նախագահ Ժաիր Բոլսոնարուն հաստատել է, որ մտադիր է իր երկրի դեսպանատունը Թել Ավիվից տեղափոխել Երուսաղեմ: Ըստ նրա` որոշել, թե որն է Իսրայելի մայրաքաղաքը, իրավունք ունի միայն այդ երկրի ժողովուրդը. հայտնում է РИА Новости-ն:

Նշենք, որ նախընտրական արշավի ժամանակ Բոլսոնարուն խոստացել էր Բրազիլիայի դեսպանատունը տեղափոխել Երուսաղեմ: 

«Իսրայելը սուվերեն պետություն է: Եթե դուք ընտրում եք ձեր մայրաքաղաքը, ապա մենք ընդունում ենք այդ ընտրությունը»,- ասել է նա իսրայելական Israel Hayom թերթի հետ զրույցում:

Նախկինում նման որոշում են կայացրել ԱՄՆ-ը, Գվատեմալան:

Բոլսոնարուն իր պաշտոնը կստանձնի 2019-ի հունվարի 1-ից: