Սարսափելի դեպք՝ Գեղհովիտում. թաղման ժամանակ մի տղամարդ կտրել է համագյուղացու պարանոցը

Գեղարքունիքի մարզի Գեղհովիտ համայնքում այսօր սարսափելի դեպք է պատահել՝ թաղման ժամանակ մի տղամարդ դանակով կտրել է համագյուղացու պարանոցը:

Գեղհովիտի ղեկավար Վարդան Պողոսյանը Yerkir.am-ի հետ զրույցում հայտնեց, որ ինքն էլ է ներկա եղել թաղման արարողությանը, երբ հանկարծ աղմուկ-աղաղակ է լսվել: «Հանգուցյալը մի կին էր, որն ամենևին էլ կապ չուներ դեպքի հետ: Մեր գյուղացիներից մեկը՝ Ս. Ը.-ն, դանակով մոտեցել է թաղման մասնակից համագյուղացու՝ Ա. Մ.-ին, ու կտրել նրա պարանոցը: Նրանք իրեր հետ բարեկամական որևէ կապ չունեն, երկուսն էլ գյուղի տղա են, անգամ չէին էլ շփվում իրար հետ: Բոլորը զարմացած են, թե ինչ են ունեցել իրար հետ կիսելու»,- ասաց Պողոսյանը:

Մարտունու ԲԿ-ից էլ մեզ տեղեկացրեցին, որ դանակահարվածը տեղափոխվել է իրենց մոտ, վիճակը ծանր է, քանի որ շատ արյուն է կորցրել: Տուժածին համապատասխան բուժօգնություն են ցուցաբերել, այժմ տեղափոխում են Երևան:

Իրավապահները դանակահարողին արդեն հայտնաբերել ու վնասազերծել են: