Սևանի բաժնի ձերբակալված ոստիկանների հարազատները փակել էին Երևան-Սևան ճանապարհը

Սևանի բաժնի ոստիկանների ձերբակալման պատճառով նրանց հարազատները փակել էին Երևան-Սևան ճանապարհը: Ոստիկանության լրատվական բաժնից Yerkir.am-ին տեղեկացրեցին, որ ճանապարհն արդեն բաց է:  «Բացատրական աշխատանքներ են տարվել հարազատների հետ, այս պահին ճանապարհը բաց է»,- հայտնեցին մեզ:

Հիշեցնենք, որ ՀՀ հատուկ քննչական ծառայությունում հարուցված քրեական գործի շրջանակներում ՀՀ քրեական օրենսգրքի 309.1-րդ հոդվածի 2-րդ մասի 4-րդ կետով նախատեսված հանցավոր արարք կատարելու կասկածանքով ձերբակալվել են ՀՀ ոստիկանության Գեղարքունիքի մարզային վարչության Սևանի բաժնի քրեական հետախուզության բաժանմունքի պետն ու նույն բաժանմունքի երկու օպերլիազորները` Թաթուլ Գևորգյանը, Վահագն Միքայելյանը և Սահակ Դավթյանը:

Հարազատները պնդում են, որ նրանք մեղավոր չեն:

Նշենք, որ  ոստիկանները կասկածվում են ՀՀ ոստիկանության Սևանի բաժնում խմբի կազմում Ա. Մ.-ին խոշտանգելու մեջ: