ՈւՂԻՂ. «Արցախը չի լինելու Ադրբեջանի կազմում». քաղաքացիները փակել են Երեւան-Սեւան միջպետական ճանապարհը

«Առանց Նիկոլ Հայաստան», «Արցախը չի լինելու Ադրբեջանի կազմում», «Միացե՛ք մեր պահանջին» եւ այլ վանկարկումներով՝ քաղաքացիները փակել են Երեւան-Սեւան միջպետական ճանապարհը: Քաղաքացիները այս ակցիայով միացել են «Դիմադրություն» շարժման մասնակիցներին, որոնք այսօր վաղ առավոտից անհնազանդության ակցիաներ եւ ավտոերթեր են իրականացնում Հայաստանի տարբեր մարզերում:

«Մարդիկ զզվում են այս կառավարությունից: ԴԴումը (նկատի ունի ԿԳՄՍ նախկին նախարար,  այժմ Կառավարության աշխատակազմի ղեկավար Արայիկ Հարությունյանին) կանգնեց եւ ասաց՝ հայոց պատմությունը վերացնենք: Այ ոչխար, ոչխարի ձագ, ի՞նչու ես դու մեր պատմությունը վերացնում, այ դդում: Էնքան բան կա ասելու, ուղղակի հոգնել ենք: Լավ ենք արել կաթվածահար ենք արել ճանապարհը, մենք ուզում ենք, որ սրիկան հեռանա մեր երկրից»,-ասաց քաղաքացիներից մեկը:

Ակցիայի վայրում մեծաթիվ ոստիկաններ կան: Այս պահին ՀՀ ոստիկանության Գեղարքունիքի մարզային վարչության Ճամբարակի բաժնի պետ Միքայել Միքայելյանը բանակցում է քաղաքացիների հետ՝ ճանապարհը բացելու համար:

Մանրամասն՝ ուղիղ հեռարձակմամբ

Լ.Ս.