Երևանում Mercedes-ը բախվել է ճանապարհի եզրաքարին և կողաշրջվել

Հոկտեմբերի 18-ին, ժամը 20:17-ին «911» ծառայությանն ահազանգ է ստացվել, որ Երևան քաղաքի Խաղաղ Դոնի փողոցի թիվ 19 շենքի մոտակայքում տեղի է ունեցել ՃՏՊ, առկա է բենզինի արտահոսք. անհրաժեշտ է փրկարարների օգնությունը:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ Mercedes E320 մակնիշի  ավտոմեքենան (վարորդի տվյալները չի հաջողվել պարզել) դուրս է եկել ավտոճանապարհի երթևեկելի հատվածից, բախվել ճանապարհի եզրաքարին և կողաշրջվել:

Մինչ փրկարարների՝ կանչի վայր հասնելը, ավտոմեքենան տեղի ուժերով ուղղվել է: Տուժածները՝ Վ. Օ.-ն (ծնված 1987 թ.), Ն. Ք.-ն (ծնված 2001 թ.) և Ռ. Մ.-ն (ծնված 1999 թ.) հոսպիտալացվել են Էրեբունի ԲԿ, որտեղ բժիշկները տուժածների առողջական վիճակը գնահատել են միջին ծանրության:

Փրկարարները կատարել են ճանապարհի լվացման աշխատանքներ: