5 դանակահարված, 4 ձերբակալված. միջադեպ՝ Չարբախում

Հոկտեմբերի 1-ին, ժամը 23.00-ին, հիվանդանոցից ոստիկանության Շենգավիթի բաժնում հաղորդում է ստացվել, որ Վ.Չարբախի 6-րդ փողոցից «բազմակի ծակած վերքեր» ախտորոշմամբ բուժօգնության են տեղափոխվել 1972 թ. ծնված Հայկ Ա.-ն, «ձախ նստաթմբի ծակած վերքով»՝ 1984 թ. ծնված Գուրգեն Խ.-ն, «կրծքավանդակի ձախ կեսի ծակած վերքով»՝ 1972 թ. ծնված Սերոբ Գ.-ն, «բազմակի ծակած վերքերով»՝ 1985 թ. ծնված Արթուր Ս.-ն և «ծակած վերքերով» 1986 թ. ծնված Վահագն Գ.-ն:

Ոստիկանության Երևան քաղաքի վարչության, Շենգավիթի բաժնի և Չարբախի բաժանմունքի ծառայողները քննչական բաժնի աշխատակիցների հետ համատեղ ձեռնարկած օպերատիվ-հետախուզական միջոցառումների շնորհիվ, մարմնական վնասվածքներ հասցնելու կասկածանքով, բերման են ենթարկել 1988 թ. ծնված Նազարեթ Ս.-ին, 1959 թ. ծնված Զոհրաբ Ս.-ին, 1995 թ. ծնված Մեսրոպ Ս.-ին և 1995 թ. ծնված Անդրյաս Ս.-ին:

Հանցագործության գործիք դանակն առգրավված է: 
Նազարեթ Ս.-ն, Մեսրոպ Ս.-ն, Զոհրաբ Ս.-ն, և Անդրյաս Ս.-ն ձերբակալված են:
Կատարվում է նախաքննություն:

Քննչական կոմիտեի տեղեկություններով՝ փաստական տվյալներ են ձեռք բերվել, որ ենթադրյալ հանցագործություն կատարած անձինք հանդիսանում են նույն ընտանիքի անդամներ՝ հայրը և վերջինիս երեք որդիները, ովքեր ձերբակալվել են: