Ռուս բլոգերը պատմել է Արցախ այցի մասին

Ռուս լոգեր Նատալյա Անոխինան իր ֆեյսբուքյան էջում պատմել է Արցախ կատարած այցի մասին:

Նա պատմում է, որ ամենաշատն իրենց զարմացրել է  այն, թե որքան է Արցախը փոխվել երեք տարվա ընթացքում. առաջին  անգամ նա եղել է այնտեղ այդ ժամանակ:

«Իհարկե, ինտենսիվ շինարարությանը նպաստում է հայկական սփյուռքը»,- նշում է բլոգերը` հավելելով, որ Արցախում վիճակը ավելի բարեկարգ է, քան անգամ Հայաստանում:

Բլոգերը գոհ է մնացել նաև ճանապարհներից, որոնք նոր են կառուցվել և հնարավորություն են տալիս 4,5 ժամում հասնելու Երևան:

«Կարող եմ ասել, որ նոր ուղղություններ նախընտրողների համար մեծ տարածաշրջան է բացվել: Գեղեցիկ է, մատչելի, համով, հյուրընկեալ, լի գեղատեսիլ վայրերով: Բոլորը խոսում են ռուսերեն»,- գրել է Անոխինան: