Պուտինը վստահ է, որ ՀՀ-ի և ՌԴ-ի միջև դաշնակցային կապերը կշարունակեն զարգանալ

ՌԴ նախագահ Վլադիմիր Պուտինը շնորհավորական ուղերձներ է հղել ՀՀ նախագահ Արմեն Սարգսյանին և ՀՀ վարչապետ Նիկոլ Փաշինյանին ՀՀ անկախության 27-ամյակի կապակցությամբ. հայտնում է Կրեմլի կայքը:

Հաղորդագրությունում նշվում է, որ Պուտինը գոհունակույթյամբ նշել է ՌԴ-ի և ՀՀ-ի միջև հարաբերությունների բարեկամանական, դաշնակցային բնույթը, առևտրատնտեսական, գիտատեխնիկական, հումանիտար և այլ ոլորտներում երկկողմ համագործակության բարձր մակարդակը:

Պուտինը վստահություն է  հայտնել, որ համատեղ ջանքերով կապահովվի դաշնակցային կապերի, երկկողմ հիմքի վրա բազմակողմանի համագործակցության, ինչպես նաև եվրասիական տարածությունում ինտեգրացիոն գործընթացների շրջանակում գործընկերական փոխգործակցության հետագա զարգացումը: ՌԴ նախագահը վստահ է, որ դա բխում է ՌԴ-ի և ՀՀ-ի եղբայրական ժողովուրդների շահերից և կնպաստի տարածաշրջանային անվտանգության ու կայունության ամրապնդմանը: