կարևոր
4276 դիտում, 1 տարի առաջ - 2023-03-17 20:42
Քաղաքական

Հայաստանի եւ Ղազախստանի միջեւ առեւտրատնտեսական կապերը զարգանում են. Ղազախստանի դեսպան

Հայաստանի եւ Ղազախստանի միջեւ առեւտրատնտեսական կապերը զարգանում են. Ղազախստանի դեսպան

Ֆինանսների նախարար Վահե Հովհաննիսյանն այսօր՝ մարտի 17-ին,  ընդունել է Հայաստանի Հանրապետությունում Ղազախստանի արտակարգ եւ լիազոր դեսպան Բոլատ Իմանբաեւին:

Ինչպես տեղեկանում ենք Ֆինանսների նախարարությունից, նախարարը բարձր է գնահատել Հայաստանի եւ Ղազախստանի միջեւ համագործակցությունը:

Վահե Հովհաննիսյանը համոզմունք է հայտնել, որ հայ-ղազախական հարաբերությունները զարգացման մեծ հեռանկար ունեն:

Դեսպան Իմանբաեւն իր հերթին շնորհակալություն է հայտնել նախարար Վահե Հովհաննիսյանին ընդունելության համար եւ շնորհավորել ֆինանսների նախարարի պաշտոնը ստանձնելու կապակցությամբ: Դեսպանն ընդգծել է, որ Հայաստանի եւ Ղազախստանի միջեւ կապերը, մասնավորապես առեւտրատնտեսական, լավագույնս ամրապնդվում եւ զարգանում են:

Կողմերը կարեւորել են ինստիտուցիոնալ համագործակցության, ինչպես նաեւ ֆիսկալ ռիսկերի կառավարման եւ հարկային ոլորտներում փորձի փոխանակմանն ուղղված աշխատանքների շարունակականության ապահովումը: