Նրանց իրավունքն է. փոխվարչապետը՝ Քոչարյանի խափանման միջոցը փոխելու միջնորդությանը միացած պատգամավորների մասին

Դա նրանց իրավունքն է. «Ազատություն» ռադիոկայանի «ֆեյսբուքյան ասուլիս» հաղորդման ժամանակ հայտարարեց փոխվարչապետ Տիգրան Ավինյանը՝ ի պատասխան հարցի, թե ինչպես է վերաբերում կոալիցիոն «Ծառուկյան» եւ ՀՅԴ պատգամավորների՝ Ռ. Քոչարյանի խափանման միջոցը փոխելու միջնորդությանը:

«Շատ հանգիստ եմ վերաբերվում, կարծում եմ՝ դա նրանց իրավունքն է»,-ասաց Ավինյանը եւ եւս մեկ անգամ ընդգծեց, թե ՀՔԾ-ն գործադրից հրահանգ չի ստանում:

Հարցին, թե անկախ ամեն ինչից՝ վստահության խնդիր չկա կոալիցիոն գործընկերների հանդեպ, փոխվարչապետ Ավինյանն ասաց. «Գործողությունները վերլուծելու կարիք կա եւ դա կարծում եմ՝ կբերի որոշակի եզրահանգումների»:

Անդրադառնալով առաջիկա խորհրդարանական ընտրություններին, Ավինյանը հույս հայտնեց, որ մինչեւ նոր ընտրությունները նոր քաղաքական միավորներ կլինեն: Նա նշեց, որ եթե իրենց համար կարեւոր լիներ մեծասմանություն հավաքելը, ապա կարող էին ընտրությունները արագ կազմակերպել եւ «հեղափոխական ալիքի վրա բարձր ցուցանիշներ արձանագրել»: