Կողմերը քննարկել են հետագա հանդիպումների հնարավորությունը. ԵԱՀԿ Մինսկի խմբի հայտարարությունը

ԵԱՀԿ Մինսկի խմբի համանախագահներ Իգոր Պոպով, Ստեֆան Վիկտոնտին և Էնդրյու Շոֆերը հուլիսի 11-ին Բրյուսելում հանդիպել են ՀՀ ԱԳ նախարար Զոհրաբ Մնացականյանի և Ադրբեջանի ԱԳ նախարար Էլմար Մամեդյարովի հետ:

Հանդիպմանը մասնակցել է նաեւ ԵԱՀԿ գործող նախագահի անձնական ներկայացուցիչ Անջեյ Կասպրշիկը:

Հայաստանում և Ադրբեջանում ընտրություններից ի վեր սա նման ձևաչափով կողմերի միջև առաջին բարձր մակարդակի հանդիպումն է եղել:

Նախարարները մտքեր են փոխանակել ներկայումս տիրող իրավիճակի վերաբերյալ և քննարկել հետագա քայլերն ու առարկայական բանակցությունների վերսկսման պարամետրերը:

Կողմերը քննարկել են նաև մի շարք հարցեր հետագա հանդիպումների կապակցությամբ, այդ թվում` վստահության ամրապնդմանն ուղղված մի շարք հարցեր: Համանախագահները կարևորել են լարվածության նվազեցման եւ ռազմատենչ հռետորաբանությունից խուսափելու կարեւորությունը: Նրանք նաեւ վերահաստատել են իրենց հանձնառությունը` օգնել կողմերին գտնել հակամարտության խաղաղ լուծումը` Հելսինկյան եզրափակիչ ակտի հիմնական սկզբունքների, այդ թվում` ուժ չկիրառելու սպառնալիքի, տարածքային ամբողջականության, ժողովուրդների հավասար իրավունքների և ինքնորոշման իրավունքի հիման վրա:

Նախարարները համաձայնել են կրկին հանդիպել մոտ ապագայում` համանախագահների հովանու ներքո: