Կառավարությունը մտադիր է հարկային արտոնություններ տրամադրել «Ալեքս տեքստիլ»-ին

ՀՀ կառավարությունը մտադիր է հարկային արտոնություններ տրամադրել «Ալեքս տեքստիլ» ՍՊԸ-ին:

Էկոնոմիկայի նախարարության ներկայացրած ծրագիրը ներառված է հունիսի 1-ին կայանալիք կառավարության նիստի օրակարգում:

Նախագծի համաձայն՝ առաջարկվում է Սամվել Ալեքսանյանին պատկանող «Ալեքս տեքստիլ» ընկերությանն ազատել տեխնոլոգիական սարքավորումների, դրանց բաղկացուցիչ ու համալրող մասերի, հումքի և նյութերի ներմուծման մաքսատուրքից: Նախագծի հեղինակները համոզված են, որ արտոնությունները լուրջ խթան կհանդիսանան ներդրումային ծրագրերի իրականացման և նոր աշխատատեղերի ստեղծման, ինչպես նաև տեղական արտադրության և արտահանման համար:

Նախագծից նաև պարզ է դառնում, որ խոսքն Ուզբեկստանից և Թուրքիայից ներկրվող տրիկոտաժի մասին է:

Ավելի վաղ ՀՀ ազգային անվտանգության ծառայությունը հայտարարել էր, որ «Ալեքս Հոլդինգ» ընկերությունում խախտումներ են հայտնաբերվել: