Էրդողանը շարունակելու է երկիրը հետ տանել․ Դեմիրթաշ

Թուրքիայում քրդամետ Ժողովուրդների դեմոկրատական կուսակցության նախկին համանախագահ Սելահաթթին Դեմիրթաշը, ով ընտրություններում նախագահի թեկնածու է, հայտարարել է, որ ներկայիս նախագահ Ռեջեփ Թայիփ Էրդողանը շարունակելու է երկիրը հետ տանել։

Ըստ Demokrathaber-ի՝ Agence France-Presse-ին իր փաստաբանների միջոցով հարցազրույց տված Դեմիրթաշը վերոնշյալ հայտարարությունը հնչեցնելիս նկատի է ունեցել նաև քրդական հարցը։

Նա նաև նշել է, որ Էրդողանն անարդարություն է ցուցաբերում ընտրություններում հավասար քարոզչության իրավունք տրամադրելու հարցում։ 

Թերթի հետ զրույցում Դեմիրթաշը առանձնահատուկ կերպով անդրադարձել է երկրում բազմիցս երկարաձգված արտակարգ դրության ռեժիմին։ Նա նշել է, որ դա երկրում բացասական իրավիճակներ է ստեղծում, և որ իր ձերբակալությունը նաև դրա հետևանքն է։