Հուսով եմ՝ Թուրքիան խզել է ԻՇԻՊ-ի հետ իր կապը. Դեմիրթաշ

Թուրքիայում Ժողովրդա-դեմոկլրատական կուսակցության նախագահ Սելահաթթին Դեմիրթաշը խոսել է ԻՇԻՊ-ի՝ Թուրքիայի տարածքով սիրիական Քոբանի քաղաք մուտք գործելու մասին:

Ըստ Demokrathaber-ի՝ Դեմիրթաշը ասել է, թե շարունակվում են ուսումնասիրությունները՝ բացահայտելու համար, թե որտեղից է ԻՇԻՊ-ը մտել Քոբանի:

«Այս թեմայով բազում պնդումներ կան: Մի շարք պնդումներում կան նաև փաստեր: Խաղաղության որոնումների այս շրջանում նման հարձակումն ուշագրավ է: Ռոժավայի և Թուրքիայի միջև ցանկանում են լարվածությունը սրել: Սրտանց ցանկանում եմ հավատալ, որ ԻՇԻՊ-ը Թուրքիայի տարածքով չի անցել Քոբանի»,- ասել է նա՝ հույս հայտնելով, որ Թուրքիան ԻՇԻՊ-ի հետ իր կապը խզել է:

«ԻՇԻՊ-ի զինյալները Թուրքիայում ազատ շրջում են: ԱԶԿ-ի կառավարությունը պետք է դադարեցնի իր՝ ԻՇԻՊ-ի կողմնակից վերաբերմունքը»,- հավելել է Դեմիրթաշը: