Եվրոպայի Խորհուրդը շնորհավորել է Նիկոլ Փաշինյանին

Եվրոպայի խորհրդի գլխավոր քարտուղար Թորբյորն Յագլանդը ուղերձ է հղել Նիկոլ Փաշինյանի՝ ՀՀ վարչապետի պաշտոնում ընտրվելու կապակցությամբ.

«Եվրոպայի խորհրդի անունից շնորհավորում եմ Նիկոլ Փաշինյանին Հայաստանի վարչապետի պաշտոնում ընտրվելու առթիվ:

ՀՀ խորհրդարանի՝ այսօր կայացրած որոշումը ցույց է տալիս, որ սահմանադրական բարեփոխումը, որն իրականացվում է մեր կազմակերպության օգնությամբ, սկսել է իրականություն դառնալ: Այս գործընթացը պետք է շարունակվի հայ ժողովրդի ցանկությամբ:

Եվրոպայի խորհուրդը պատրաստ է հետագայում ևս ապահովել ցանկացած աջակցություն Հայաստանի իշխանություններին այդ շատ կարևոր գործընթացում, որի հիմքում ընկած են մարդու իրավունքները, ժողովրդավարությունն ու օրենքի գերակայությունը»: