«Զվարթնոցը» վերսկսել է իր բնականոն գործունեությունը

«Զվարթնոց» օդանավակայանը շարունակում է իր բնականոն գործունեությունը: Այս մասին Yerkir.am-ին հայտնեց «Զվարթնոց» օդանավակայանի մամլո ծառայության ղեկավար Գևորգ Հակոբյանը: Նրա խոսքով` օդանավակայանի աշխատակիցները գործադուլ են իրականացրել առավոտյան, ինչը տևել է ընդամենը մեկ ժամ և չի ազդել չվերթերի վրա: Հակոբյանըհ հայտնեց, որ, անհնազանդության ակցիաներով պայմանավորված, «Զվարթնոցը» որևէ չվերթ չի չեղարկել:

Նշենք, որ առավոտյան քաղաքացիները փակել էին դեպի օդանավակայան տանող ճանապարհը: «Իմ քայլը» շարժման առաջնորդ Նիկոլ Փաշինյանի կոչ էր արել ժամը 14.00-ին վերսկսել «Զվարթնոց» օդանավակայանի աշխատանքը:

Հանրային հեռուստաընկերությունից էլ հայտնում են, որ գործադուլ են հայտարարել նաև Կարեն Դեմիրճյանի անվան Երեւանի Մետրոպոլիտենի աշխատակիցները ՝ միանալով «Իմ քայլը» շարժման առաջնորդ Նիկոլ Փաշինյանի կոչով սկսված անհնազանդության ակցիաներին։