Ցուցարարները փորձում են փակել Երևան-Աբովյան մայրուղին

Մի շարք գյուղերի, մեծ մասամբ` Պտղնիի, ինչպես նաև Վազաշենի, նաև Իջևանի բնակիչներ հավաքվել են Երևան-Աբովյան մայրուղում: «Ազատության» ուղիղ եթերից տեղեկանում ենք, որ ցուցարարները փորձել էին փակել մայրուղին, ժամանել են ոստիկաններ՝ հրելով բացել փողոցն ու մայթի եզրով կենդանի պատ կազմել:

Քաղաքացիական հագուստով անձինք բերման ենթարկեցին մի տղամարդու, ով եկավ այդ հատված և մեքենան կանգնեցրեց՝ ասելով, որ այն փչացել է:

Նշենք, որ ոստիկանությունը նոր ուժեր են բերում այս հատված, ցուցարարների թիվը նույնպես ավելանում է: Ցուցարարները կրկին փորձում են փակել ճանապարհը:

Բերման ենթարկեցին նաև տեղում աշխատող լրագրող Տիրայր Մուրադյանին: