Ես այդ ուժն ունեմ. Ալթունյանը ցանկանում է մնալ իր պաշտոնում

ՀՀ առողջապահության նախարարի ժամանակավոր պաշտոնակատար Լևոն Ալթունյանը լրագրողների հետ զրույցում խուսափեց պատասխանել, թե ինչ դրական արդյունքներ է արձանագրել` որպես նախարար:

Հարցին` բացի աղմկահարույց նախագծերից, ինչ-որ դրական բան կարո՞ղ է նշել, որ համակարգում իրականացրել է, նա պատասխանեց. «Ես կցանկանայի այդ մասին չխոսել: Դրական արդյունքները պետք է գնահատեն ղեկավարները և ժողովուրդը»:

Իսկ թե ո՞ւմ նկատի ունի` ղեկավար ասելով, Ալթունյանը չպատասխանեց:

Հարցին` ի՞նչ է կարծում, կշարունակի՞ պաշտոնավարել, նա արձագանքեց. «Ես չեմ կարծում, գնում եմ աշխատանքի` որպես ժամանակավոր պաշտոնակատար»:

Ալթունյանն ասաց, որ պլաններ կան, գերակա խնդիրներ կան, և նշանակություն չունի` ով այդ գերակա խնդիրները կիրականացնի և կյանքի կկոչի:

Հարցին էլ` ցանկություն կա՞, որ Դուք կատարեք, պատասխանեց. «Այո, ես այդ ուժն ունեմ»: