Forbes-ը գնահատել է ամերիկյան պատժամիջոցների ցուցակում հայտնված ռուսաստանցի գործարարների կորուստները

Այն բանից հետո, երբ ապրիլի 6-ին ԱՄՆ ֆինանսների նախարարությունը պատժամիջոցների ցուցակում ներառեց 7 ռուսաստանաբնակ միլիարդատերերի, նրանց ընդհանուր կարողությունը նվազել է ավելի քան 1,25 միլիարդ դոլարով: Այդ մասին են վկայում Forbes-ի տվյալները. հայտնում է РБК-ն:

Վերլուծաբանների հաշվարկներով՝ ամենաշատը տուժել է Օլեգ Դերիպասկան, որի կարողությունը նվազել է 960 միլիոն դոլարով կամ ավելի քան 15 տոկոսով:

Forbes-ի գնահատականով՝ Սուլեյման Քերիմովը կորցրել է 265 միլիոն դոլար, Վիկտոր Վեքսելբերգը՝ 57 միլիոն դոլար, Վլադիմիր Բոգդանովը՝ 6 միլիոն դոլար:

Իսկ ահա երկու գործարարի՝ Կիրիլ Շամալովի և Իգոր Ռոտենբերգի կարողությունների վրա պատժամիջոցների ցուցակում հայտնվելը որևէ կերպ չի անդրադարձել: