Թուրքիայի ՊՆ-ում գնահատել են ԱՄՆ պատժամիջոցների ազդեցությունը երկու երկրների միության վրա

Ռուսական Ս-400 հակաօդային պաշտպանության համակարգերի ձեռքբերման հետ կապված ԱՄՆ պատժամիջոցները Թուրքիայի դեմ լուրջ հարված հասցրեցին երկու երկրների միության արժեքներին, ասել է հանրապետության պաշտպանության նախարար Հուլուսի Աքարը:

ԱՄՆ-ն «Ռուսաստանի հետ կապված» պատժամիջոցներ էր սահմանել Թուրքիայի պաշտպանական արդյունաբերության քարտուղարության եւ դրա ղեկավար Իսմայիլ Դեմիրի, ինչպես նաեւ եւս երեք անձի դեմ Թուրքիայում, հայտնել էր ԱՄՆ ֆինանսների նախարարությունը: ԱՄՆ պետքարտուղար Մայք Պոմպեոն հայտարարել է, որ ԱՄՆ-ն ամբողջությամբ կիրականացնի պատժամիջոցներն «Ամերիկայի հակառակորդներին պատժամիջոցների միջոցով հակազդեցության» մասին օրենքի  (CAATSA) համաձայն` Ռուսաստանի պաշտպանության ոլորտի հետ երրորդ երկրների համագործակցության համար:

«Մենք դատապարտում ենք ԱՄՆ պատժամիջոցների որոշումը, որն անհամատեղելի է մեր դաշնակցային հարաբերությունների, ներկայիս ռազմական եւ քաղաքական իրողությունների հետ: Դա լուրջ հարված է հասցրել այն արժեքներին, որոնց վրա հիմնված է մեր միությունը»,- Ակարայի խոսքերը մեջբերում է Anadolu լրատվական գործակալությունը:

Ռուսաստանի նորագույն Ս-400 հակաօդային պաշտպանության համակարգերի մատակարարումները սկսվել են 2019-ի հուլիսի կեսերին, ինչը ճգնաժամ առաջացրել ԱՄՆ-ի հետ Թուրքիայի հարաբերություններում: Վաշինգտոնը պահանջեց հրաժարվել գործարքից եւ դրա փոխարեն գնել ամերիկյան Patriot համակարգերը` սպառնալով հետաձգել կամ նույնիսկ չեղարկել վերջին F-35 կործանիչների վաճառքը Թուրքիային, ինչպես նաեւ պատժամիջոցներ կիրառել` CAATSA-ի («Ամերիկայի հակառակորդներին պատժամիջոցների միջոցով հակազդեցության» մասին օրենքի) համաձայն:  Անկարան հրաժարվեց զիջումների գնալ եւ շարունակեց բանակցությունները Ս-400-ի լրացուցիչ խմբաքանակի շուրջ: