ՌԴ ԿԸՀ-ն ամփոփել է ընտրությունների արդյունքները

ՌԴ ԿԸՀ-ն ամփոփել է մարտի 18-ին Ռուսաստանում կայացած նախագահական ընտրությունների արդյունքները. հայտնում է ТАСС-ը:

Քվեաթերթիկների 99,84 տոկոսի հաշվարկի արդյունքում գրանցված նախնական արդյունքների համաձայն՝ ռեկորդային ցուցանիշով ընտրություններում հաղթել է գործող նախագահ, ինքնաառաջադրված Վլադիմիր Պուտինը` ստանալով 76,66 տոկոս ձայն:

Երկրորդ տեղն է զբաղեցրել Ռուսաստանի Կոմունիստական կուսակցության թեկնածու Պավել Գրուդինինը՝ 11,80 տոկոս ձայնով, երրորդ տեղը՝ Ռուսաստանի Լիբերալ-դեմոկրատական կուսակցության առաջնորդ Վլադիմիր Ժիրինովսկին՝ 5,66 տոկոսով, չորրորդ տեղը`«Քաղաքացիական նախաձեռնություն» կուսակցության թեկնածու Քսենյա Սոբչակը՝ 1,67 տոկոս ձայնով:

Ընտրություններին մասնակցությունը կազմել է 67,49 տոկոս: