Թուրքիայում ժամական գրանցվում են ռեկորդային թվով կողոպուտների դեպքեր. զեկույց

Հայտնի է դարձել, որ Թուրքիայում ամենատարածված հանցագործությունը կողոպուտն է: Ըստ Demokrathaber-ի՝ լուրջ թվերի հասնող կողոպուտի դեպքերը գրանցվում են ամեն պահի:

Ըստ զեկույցի՝ Թուրքիայում յուրաքանչյուր 1 ժամում թալանվում է 11 տուն, 6 աշխատավայր: Միայն 2017 թվականին գրանցվել է կողոպուտի 600.000 դեպք: Իհարկե, կողոպուտի են ենթարկվում ոչ միայն անշարժ գույքերը, այլև ավտոմեքենաները: Զեկույցի համաձայն՝ Թուրքիայում մեկ տարվա ընթացքում գողանում են 25.000 ավտոմեքենա, այսինքն՝ օրվա կտրվածքով այդ թիվը կազմում է մոտ 68:

Զեկույցում Պոլիսն առաջին տեղում է, որտեղ գրանցվում են մեքենաների կողոպուտի՝ օրվա կտրվածքով ամենաշատ դեպքերը, սակայն, ընդհանուր առմամբ, մեքենաների կողոպուտի դեպքեր ամենաշատը գրանցվում են Մարմարայում:

Ընդդիմության պատգամավորներից Նամըք Հավուչը Թուրքիայում կողոպուտի և զեղծարարության մասին զեկույցը որակել է «սարսափեցնող»: