Ուկրաինան դադարեցրել է Ռուսաստանի հետ տնտեսական համագործակցությունը

Ուկրաինայի կառավարությունը քվեարկել է  Ռուսաստանի հետ 2011-2020 թվականների տնտեսական համագործակցության ծրագրի գործողությունը դադարեցնելու օգտին. հայտնում է РИА Новости-ն: «Ընդունվել է միաձայն»,- ասել է Ուկրաինայի վարչապետ Վլադիմիր Գրոյսմանը:

Կիևն իր քայլը բացատրել է երկրի տնտեսության ուղղությունը փոխելու փորձով և երկրի ազգային շահերով:

Տնտեսական համագործակցության ծրագիրը կողմերը ստորագրել են 2011 թվականի հունիսին: Այն նախատեսում է ազատ առևտրի ռեժիմի և ներդրումների փոխադարձ պաշտպանության խորացում, վճարահաշվարկային գործարքների ինտեգրված համակարգի ստեղծում և երկու երկրների քաղաքացիների ազատ տեղաշարժի ապահովում: