Երկու քաղաքացի հոսանքահարվել են, նրանց վիճակը ծանր է գնահատվում

Մարտի 8-ին, ժամը 15:18-ին ահազանգ է ստացվել, որ Երևան քաղաքի Նորաշեն թաղամասում՝ Գևորգ Չաուշի արձանի մոտակայքում, երկու քաղաքացի էլ. սյան վրա աշխատանքներ իրականացնելիս հոսանքահարվել և ընկել են ցած. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ «Երևանի էլ. տրանսպորտ» ՓԲԸ-ի աշխատակիցները վթարավերականգնողական աշխատանքներ կատարելիս ամբարձիչ ավտոմեքենայից ընկել են ցած:

Փրկարարները՝ 1954 թ. ծնված Ս. Գ.-ին և 1958 թ. ծնված Գ. Ք.-ին մոտեցրել են շտապօգնության ավտոմեքենային, ովքեր հոսպիտալացվել են «Արմենիա» ՀԲԿ, որտեղ բժիշկները տուժածների առողջական վիճակը գնահատել են ծանր:

ԱԻՆ մամուլի ծառայություն