Պուտինը պատմել է` ինչպես է ստել Մելանյա Թրամփին

ՌԴ նախագահ Վլադիմիր Պուտինը «Աշխարհակարգ 2018» փաստագրական ֆիլմում պատմել է, որ կարճ զրույց է ունեցել ԱՄՆ առաջին տիկին Մելանյա Թրամփի հետ Համբուրգում 2017-ի ամռանը կայացած «Մեծ քսանյակի» գագաթաժողովի ժամանակ. հայտնում  է Газета.ру-ն:

Նա նշել է, որ զրուցել է ոչ միայն Մելանյայի, այլ նաև Իտալիայի վարչապետի տիկնոջ հետ. նրանց հետաքրքրել է ՌԴ-ում գործող ժողովրդագրության ծրագիրը:

Պուտինը  կանանց նաև պատմել է ՌԴ-ի, Սիբիրի, Կամչատկայի, ձկնորսության մասին: «Ինչպես լինում է նման դեպքերում, մի քիչ ստել եմ: Ինչպե՞ս կարելի է չստել ձկնորսության մասին պատմելիս»,- ասել է նա:

Հարցին` չի՞ հավաքագրել արդյոք զրուցակիցներին` որպես գործակալ, Պուտինն ասել է. «Ոչ, ես դրանով վաղուց արդեն չեմ զբաղվում»: