Մելանյա Թրամփը Սպիտակ տանն առաջին անգամ մասնակցել է պետական ընդունելության

Միացյալ Նահանգների առաջին տիկին Մելանյա Թրամփը Սպիտակ տանն առաջին անգամ մասնակցել է պետական ընդունելության, որի ժամանակ հանդիպել է Իսրայելի վարչապետին և նրա կնոջը՝ Բենյամին և Սառա Նեթանյահուներին:

Ինչպես նշում է The Daily Mail-ը, հատուկ այս առիթով 46-ամյա տիկինն ընտրել է ճեփ-ճերմակ Karl Lagerfeld կոստյում, որը հրաշալիորեն ընդգծել է նախկին մոդելի անթերի կառուցվածքը:

Բրիտանական պարբերականը նկատում է, որ Մելանյա Թրամփն շլացնող տեսք է ունեցել այս հագուստով: Դատելով ֆոտոշարքից՝ նրա դիմահարդարում ու վարսահարդարումը բավական զուսպ են եղել. առաջին տիկինը նշանադրության մատանուց զատ որևէ այլ զարդ չի կրել:

Նշենք, որ ավելի վաղ տված հարցազրույցներից մեկում Մելանյա Թրամփն ասել էր, որ ԱՄՆ առաջին տիկինների շարքում ամենից շատ հավանում է Ժաքլին Քենեդու ոճը: