Եթե ինձ Վրաստանում բանտարկեն, իմ կողմնակիցները իշխանափոխություն կանեն. Սահակաշվիլի

Ուկրաինական իշխանությունները պատրաստվում են արտահանձմանը, սակայն Վրաստանի իշխանությունների համար դա բարդ կլինի. ֆրանսիական Liberation-ի հետ զրույցում, ըստ РИА Новости-ի,  հայտարարել է Վրաստանի նախկին նախագահ, Օդեսայի նախկին նահանգապետ Միխեիլ Սահակաշվիլին:

Նրա խոսքով` ինքն ունի ժողովրդի աջակցությունը, ինչպես նաև զինված ուժերում և իրավապահ կառույցներում աջակիցներ:

«Վրաստանի կառավարությունը թույլ է: Վրացիների մեծամասնությունը գիտի, որ առանց իմ ներկայության կայացած գործընթացը ֆարս է եղել: Մեկ տարուց ավելի նրանք փնտրել են իմ օֆշորային հաշիվները, բայց չեն գտել: Իմ օրոք կոռուպցիա չի եղել: Եթե ինձ Վրաստանում բանտարկեն, իմ կողմնակիցները իշխանափոխություն կանեն ինձ ազատելու համար: Ես համոզված եմ դրանում»,- ասել է Սահակաշվիլին: