Վրաստանում Սահակաշվիլիի կողմնակիցները՝ Ադրբեջանի դրոշներով, պահանջում են նրան ազատ արձակել բանտից

Վրաստանում ձերբակալված նախկին նախագահ Միխեիլ Սահակաշվիլիի մի քանի հարյուր կողմնակիցներ ցույց են կազմակերպել Ռուսթավիի բանտի դիմաց՝ երկրի նախկին ղեկավարին ազատ արձակելու պահանջով. հայտնում է infoteka24.ru կայքը:

Բանտի շենքի մոտ քաղաքական գործիչների ելույթների համար բեմ է տեղադրվել: Ցուցարարները եղել են Ուկրաինայի, ԵՄ-ի, ՆԱՏՕ-ի, ինչպես նաև Ադրբեջանի դրոշներով: Սա զարմանալի չէ, քանի որ Սահակաշվիլիին կարելի է համարել Վրաստանի ամենաադրբեջանամետ քաղաքական գործիչը: 

Ցուցարարները պաստառներ են պարզել՝ «Ո՛չ քաղաքական հետապնդումներին», «Ազատություն Միխեիլ Սահակաշվիլիին» գրություններով:

Իշխանությունները Ռուսթավիում ոստիկանական լրացուցիչ ուժեր են տեղակայել: Բանտի մոտ մետաղյա ցանկապատեր են տեղադրվել, մոբիլիզացվել են հատուկջոկատայինները: