Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Երևանում աշխարհի առաջնության գավաթը ցուցադրած՝ 1998 թվականի աշխարհի չեմպիոն Քրիստիան Կարամբյոն լրագրողների հետ զրույցում խոսեց նաև Հայաստանի հավաքականի, մասնավորապես` թիմի ավագ Հենրիխ Մխիթարյանի մասին:
«Մխիթարյանը խաղացել է Բունդեսլիգայում և այժմ հանդես է գալիս Պրեմիեր լիգայում: Նա ունի բոլոր որակները, որպեսզի թիմակիցների հետ հասնի իր նպատակներին: Հայաստանի ազգային հավաքականից ես ճանաչում եմ նաև Գևորգ Ղազարյանին, որը խաղացել է «Օլիմպիակոսում»: Ցանկանում եմ, որ Հայաստանի հավաքականին նույնպես հաջողվի մասնակցել Աշխարհի առաջնությանը»,- ասաց նա:
Խոսելով այն մասին, թե որ երկրի հավաքականին է համարում ֆավորիտ ԱԱ-2018-ում, Կարամբյոն ժպտալով նշեց. «Գուցե այնպիսի հավաքական, որտեղ կլինի նաև հայ ֆուտբոլիստ, չէ՞ որ 1998 թվականին Ֆրանսիայի հավաքականի կազմում էին նաև 2 հայ ֆուտբոլիստներ՝ Ալեն Պողոսյանն ու Յուրի Ջորկաեֆ»ը: