Կարմիրաղբյուրի մոտ մեքենան գլորվել է ձորը. վարորդը տեղափոխվել է զինհոսպիտալ

Փետրվարի 2-ին, ժամը 13:28-ին տեղեկություն է ստացվել, որ Տավուշի մարզի Կարմիրաղբյուր գյուղի մոտակայքում գտնվող «Ընդռազ» կոչվող հանդամասում տեղի է ունեցել ՃՏՊ:

Դեպքի վայր է մեկնել Քաղաքացիական պաշտպանության կենտրոնի օպերատիվ խումբը:

Պարզվել է, որ «Ընդռազ» հանդամասի մոտակայքում «ՎԱԶ-2121» մակնիշի (առանց պ/հ) ավտոմեքենան (վարորդ՝ 1984 թ. ծնված Գ. Գ.) դուրս է եկել ճանապարհի երթևեկելի հատվածից և մոտ 20 մ գլորվել մոտակա ձորը:

Մինչ փրկարարների՝ կանչի վայր հասնելը Գ. Գ.-ը ավտոմեքենայից դուրս է բերվել տեղի ուժերով և տեղափոխվել Բերդ քաղաքի զինվորական հոսպիտալ, որտեղ բժիշկները տուժածի առողջական վիճակը գնահատել են բավարար:

Փրկարարները հոսանքազրկել են ավտոմեքենան և փակել գազի բալոնի փականը: