Մեքենան գլորվել է ձորը, վարորդը մահացել է

Շաբաթ օրը`գիշերը, Տավուշի մարզի Վարագավան գյուղի գյուղից 700 մ հեռու, դեռևս չպարզված հանգամանքներում, «Հովեր» մակնիշի 14 ՕՍ 892 պետհամարանիշով ավտոմեքենան դուրս է եկել ճանապարհի երթևեկելի մասից և շրջվել ձորը, որի հետևանքով վարորդը` Երևան քաղաքի Նոր-Նորքի 5-րդ զանգվածի բնակիչ 1981թ. ծնված Արմեն Արզումանյանը ստացել է տարբեր աստիճանի մարմնական վնասվածքներ:

Ինչպես տեղեկացնում է ԱԻՆ «Արտակարգ ալիք» լրատվականը, մինչ փրկարարների տեղ հասնելը Ա.Արզումանյանին դուրս են բերել ավտոմեքենայից, սակայն շտապօգնության մեքենայով հիվանդանոց տեղափոխելիս նա մահացել է:

Հրշեջ-փրկարարները ավտոմեքենան դուրս են բերել ձորից և հանձնել իրավապահ մարմիններին: