Փոխգնդապետ Գեղամ Մանուկյանը հետմահու պարգևատրվեց

Հայոց բանակի օրվա կապակցությամբ ՀՀ նախագահ Սերժ Սարգսյանը բարձր պարգևներ է հանձնել հայրենիքի սահմանները պաշտպանելիս ցուցաբերած անձնվիրության և խիզախության համար զոհված զինծառայողների ընտանիքների անդամներին: 

Հայրենիքի սահմանները պաշտպանելիս ցուցաբերած անվեհերության և խիզախության, կյանքին սպառնացող վտանգի պայմաններում ծառայողական պարտքն անձնազոհաբար կատարելու համար թիվ N զորամասի ծառայության պետ, փոխգնդապետ Գեղամ Հենրիկի Մանուկյանը հետմահու պարգևատրվել է «Հայրենիքին մատուցած ծառայությունների համար» 1-ին աստիճանի մեդալով:

Փոխգնդապետ Գեղամ Մանուկյանը հակառակորդի կրակոցից մահացու վիրավորում էր ստացել մեկ տարի առաջ` փետրվարի 8-ին: Նա հակադիվերսիոն անվտանգության բարձրացմանն ուղղված կարևոր առաքելություն է իրականացրել: Գեղամը կյանքի գնով կարողացել է ավարտին հասցնել իր գործը՝ կիսատ չթողնելով այն: