«ՍԱՍ»-ի փոխտնօրենը եւս պարգեւատրվեց Ցեղասպանության 100-րդ տարելիցի միջոցառումներին աջակցելու շրջանակում

 Արդեն տեղեկացրել ենք, որ նախագահի նստավայրում այսօր մեկնարկել է Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի 6-րդ նիստը, որը վարում է հանձնաժողովի նախագահ, ՀՀ Նախագահ Սերժ Սարգսյանը:

Նախագահ Սերժ Սարգսյանի հրամանագրերով, Հայոց ցեղասպանության 100-րդ տարելիցին նվիրված միջոցառումների կազմակերպման և անցկացման աշխատանքներին ցուցաբերած գործուն աջակցության համար Հայաստանի և Սփյուռքի մի խումբ բարերարներ, գործարարներ պարգևատրվել են ՀՀ պետական բարձր պարգևներով, արժանացել՝ շնորհակալագրերի: Նախագահ Սերժ Սարգսյանը հանձնել է պարգևները, շնորհավորել պարգևատրվածներին և մաղթել հաջողություններ:

Հայոց ցեղասպանության 100-րդ տարելիցին նվիրված միջոցառումների կազմակերպման և անցկացման աշխատանքներին ցուցաբերած գործուն աջակցության համար «ՍԱՍ Գրուպ» ՍՊԸ-ի փոխտնօրեն Արամ Սամվելի Սարգսյանը եւս պարգևատրել է «Հայրենիքին մատուցած ծառայությունների համար» 2-րդ աստիճանի մեդալով:

Նշենք, որ վերջինս ԱԺ ՀՀԿ խմբակցության պատգամավոր Արտակ Սարգսյանի (ՍԱՍ-ի Արտակ) եղբայրն է: