Լավրովը խնդրել է պարզել Bloomberg-ից` ինչ հիվանդություն ինքն ունի

ՌԴ ԱԳՆ ղեկավար Սերգեյ Լավրովն այն բանից հետո, երբ Bloomberg-ի թղթակիցը ՌԴ նախագահի մամուլի քարտուղար Դմիտրի Պեսկովից հարցրել է` ինչ հիվանդություն ունի ՌԴ ԱԳՆ ղեկավարը, որոշել է պարզել` ի՞նչ հիվանդություն ունի ինքը: Այդ մասին ֆեյսբուքյան իր էջում գրել է ՌԴ ԱԳՆ պաշտոնական ներկայացուցիչ Մարիա Զախարովան:

«Լավրովը խնդրել է պարզել Bloomberg-ից` ինչ հիվանդություն ինքն ունի: Գործակալությունը, չեք հավատա, պատասխանել է, որ հիմնվել  է ասեկոսեների վրա և հետաքրքրվել Լավրովի առողջության մասին ոչ թե անձամբ նրանից, այլ Կրեմլից` ընտրություններից հետո կառավարությունում վերադասավորումների համատեքստում»,- գրել է նա: