Պոլսո հայոց պատրիարքարանը աջակցել է սիրիական Աֆրինում Էրդողանի հրամանով սկսված գործողությանը. լուսանկար

Պոլսո հայոց պատրիարքարանն իր աջակցությունն է հայտնել Սիրիայի Աֆրին շրջանում թուրքական ԶՈւ-ի կողմից իրականացվող «Ձիթենու ճյուղ» ռազմական գործողության առնչությամբ:

Պատրիարքարանի ֆեյսբուքյան պաշտոնական էջից տեղեկանում ենք, որ այդ մասին տարածված հայտարարության մեջ նշվել է, որ «կաղոթեն խաղաղության և հանգստության համար, որի կարիքն այդքան ունի մարդկությունը»:

«Ինչպես միշտ, այնպես էլ հիմա շարունակելու ենք մեր եկեղեցիներում աղոթել Թուրքիայի Հանրապետության հավերժության, ամբողջականության, ինչպես նաև մեր ժողովրդի միասնականության և բարեկեցության համար»,- նշվել է հայտարարության մեջ:

Հիշեցնենք, որ հունվարի 20-ին թուրքական ԶՈւ-ն հակաքրդական ռազմական գործողություններ է սկսել Սիրիայի Աֆրին քաղաքում, որը ստացել է «Ձիթենու ճյուղ» անվանումը:

Նշենք նաև, որ ՄԱԿ-ի Անվտանգության խորհուրդը Աֆրինի հարցով արտահերթ նիստ կգումարի: