Թուրքիայի համար կարևոր է Իրանում իրավիճակի կայունացումը. Էրդողանը հեռախոսազրույց է ունեցել Ռոհանիի հետ

Թուրքիայի նախագահ Ռեջեփ Թայիփ Էրդողանը Իրանցի գործընկերոջ՝ Հասան Ռոհանիի, հետ ունեցած հեռախոսազրույցում քննարկել է Իրանում ընթացող բողոքի ցույցերը՝ նշելով որ Թուրքիայի համար կարևոր է Իրանում իրավիճակի կայունացումը:

Այս մասին հայտնում է Daily sabah-ը:

Էրդողանը Ռոհանիին ասել է, որ պաշտպանում է Իրանի նախագահի այն հայտարարությունը՝ քաղաքացիներն իրենց բողոքի ակցիաներ անցկացնելու իրավունքը պետք է իրականացնեն՝ չխախտելով օրենքները:

Ի պատասխան Ռոհանին շնորհակալություն է հայտնել Էրդողանին՝ հույս հայտնելով որ բողոքի ակցիաները մի քանի օրվա ընթացքում կդադարեն:

Հիշեցնենք, որ դեկտեմբերի 28-ից Իրանի մի շարք քաղաքներում զանգվածային հակակառավարական ցույցեր են անցկացվում: