Թուրքիայում «Հատուկ՝ կանանց համար» ավտոբուսներ են գործարկվել

Թուրքիայի Մարաշի քաղաքապետարանը կանանց համար հատուկ ավտոբուսներ է գործարկել:

Ըստ Demokrathaber-ի՝ իշխող «Արդարություն և զարգացում» կուսակցության քաղաքապետ Ֆաթիհ Մեհմեթ Էրքոչի հրահանգով իրականացվող նախաձեռնության շրջանակներում գործարկվել է 13 երթուղի` հատուկ կանանց համար:

«Հատուկ՝ կանանց համար» անունով ավտոբուսների՝ օրվա ընթացքում վերջին երթը երեկոյան 19:00-ին է:

Նախկինում Թուրքիայի այլ շրջաններում նույնպես նման երթուղիների գործարկումը քննադատության պատճառ էր դարձել: Այն հատկապես կանանց շրջանում բացասական էր գնահատվել՝ որակվելով որպես սեռական խտրականություն: Կանայք հավատում են այն մտքին, որ հնարավոր չէ պայքարել կանանց նկատմամբ սեռական ոտնձգությունների և բռնության դեմ նման միջոցներով: